As Xuventudes Socialistas demandan igualdade de xénero con flores e poemas

As Xuventudes Socialistas demandan igualdade de xénero con flores e poemas

§ No acto, no que estiveron presentes a Voceira de Mocidade do PSdeG-PSOE no Parlamento de Galicia Silvia Fraga, a Secretaria de Igualdade das XSG Patricia Rodríguez e a Secretaria Xeral das XSG María Torres, púxose de relieve a importancia da perspectiva de xénero no ensino, en especial para previr relacións de poder no seo da nosa mocidade.

§ Loitar contra a violencia de xénero é rachar tabúes sociais que sitúan á muller nunha situación de dependencia absoluta e de vulnerabilidade permanente; loitar contra a violencia de xénero significa corresponsabilizarnos na aposta pola prevención dende as familias, dende o ensino, dende o asociacionismo, dende o tempo libre...”

Santiago de Compostela, 30 de Novembro de 2009. As Xuventudes Socialistas de Galicia veñen de repartir esta mañá flores e poemas para combater a violecia de xénero entre os mozos e mozas universitarios de Santiago de Compostela.

No acto, no que estiveron presentes a Voceira de Mocidade do PSdeG-PSOE no Parlamento de Galicia Silvia Fraga, a Secretaria de Igualdade das XSG Patricia Rodríguez e a Secretaria Xeral das XSG María Torres, púxose de relieve a importancia da perspectiva de xénero no ensino, en especial para previr relacións de poder no seo da nosa mocidade

Segundo a Sª Xeral das XSG, María Torres, “existen moitos ámbitos sociais nos que as mensaxes sexistas e de poder incitan a unha cultura que anula á muller; o ensino, a publicidade, a televisión, os videoxogos...”

“Rematar coa violencia de xénero é un duro traballo que lle compete a toda a sociedade e non só as víctimas directas dela, polo que son fundamentais os compromisos que adquiramos cada un de nós cada vez que sexamos testigos de un caso de malos tratos; sobre todo cos que manteñamos coa promoción dun cambio de valores na nosa sociedade asentado no recoñecemento social das mulleres como suxeitos posuidores de dereito á liberdade, á igualdade, ó respeto, á dignidade e á integridade.”

“Loitar contra a violencia de xénero é rachar tabúes sociais que sitúan á muller nunha situación de dependencia absoluta e de vulnerabilidade permanente; loitar contra a violencia de xénero significa corresponsabilizarnos na aposta pola prevención dende as familias, dende o ensino, dende o asociacionismo, dende o tempo libre...”

Escola de Formación XSG: "Conectad@s ao mundo"

PROGRAMA:

Venres 20 de novembro

18:00 h: Acreditacións

18:30 h: Apertura da escola.

19:00 h: Proxección: “Cortina de humo”, de Barry Levinson.

21:00 h: Cea.

22:00 h: Concertos:

· Decadent Daugthers. 22,30 h no Centro Social,

· The Hit Experience, 00.15 h no Pub ESE

Sábado 21 de novembro

09.00 h: Almorzo

10:00 h: Charla: “A comunicación política nas redes sociais”, impartido por Jose Luis Prieto.

12:00 h: Obradoiros *:

A) O debate político, impartido por Iván Puentes Rivera

B) Técnicas de negociación, impartido por Mª Dolores Rodríguez Amoroso

C) A comunicación política, impartido por Javier Carnota.

D) “Se non o creo, non o vexo: mente, comunicación e realidade”, impartido por Francisco Martínez Hidalgo

14.30 h: Xantar

16:30 h: Obradoiros:

A) O debate político, impartido por Iván Puentes Rivera

B) Técnicas de negociación, impartido por Mª Dolores Rodríguez Amoroso

C) A comunicación política, impartido por Javier Carnota.

D) “Se non o creo, non o vexo: mente, comunicación e realidade”, impartido por Francisco Martínez Hidalgo

21.30 h: Cea

Domingo 22 de novembro

09.00 h: Almorzo.

10:00 h: Charla: “As campañas das organizacións políticas xuvenís”, impartido por Silvia García Mirón.

12:00 h: Obradoiros:

A) Creación e xestión dun blog, impartido por Ignacio Filgueiras.

B) O Boletín político, impartido por Javier Carnota.

14.00 h: Clausura

14:30 h: Xantar.

---

* Cada unha/un das/dos participantes debe adscribirse a un obradoiro pola mañá e outro pola tarde do sábado, e elexir tamén a cal dos obradoiros do domingo quere asistir. A finalidade é que cada militante poida adaptar o programa da escola ós coñecementos que xa ten, e ós que quere adquirir.

Con las más jóvenes. Por su derecho a decidir

Concerto organizado polas XSG-Boiro

O vindeiro venres 30 de Outubro terá lugar en Boiro un concerto organizado polas XSG-Boiro:

Grupo: "Trapos Sucios" de Muros
Lugar: Estación Leña Verde, Centro Social de Boiro
Hora: 22.00 horas

Animámosvos a participar!

As Xuventudes Socialistas de Vigo e Redondela inauguraron no Multiusos dá Xunqueira unha exposición que conmemora a Carta dos Dereitos Humanos.

Na inauguración, Patricia Rodríguez e Isaac Araújo, Secretarios Xerais das Xuventudes Socialistas de Vigo e Redondela respectivamente, declararon que "o texto segue tendo hoxe en día plena vixencia, nun mundo onde algúns países seguen pisando as liberdades das persoas". Patricia Rodríguez citou como exemplos de que a Declaración segue tendo moito camiño que percorrer "a violencia machista, a falta de liberdade de moitas mulleres no mundo, a consideración da homosexualidade como delito en moitos países, e a restrición de liberdades políticas".

A exposición, que estará aberta ata o próximo 2 de Novembro, repasa os diversos capítulos do texto que recoñeceu e definiu hai 61 anos os dereitos e liberdades fundamentais de todo ser humano.

Blog Action Day 2009

Nos asistiremos. E ti?

Proposta de Iniciativa Lexislativa Popular
pola Garantía dos Dereitos Lingüísticos

EXPOSICIÓN DE MOTIVOS
O Estatuto de autonomía de Galicia estabelece no seu artigo 5.º que “a lingua propia de Galicia é o galego” e que “os idiomas galego e castelán son oficiais de Galicia e todos teñen o dereito de os coñecer e de os usar”. Para facer efectivos estes dereitos a lei sinala que “os poderes públicos de Galicia garantirán o uso normal e oficial dos dous idiomas e potenciarán o emprego do galego en todos os planos da vida pública, cultural e informativa, e disporán os medios necesarios para facilitar o seu coñecemento”, acadando así que ninguén sexa “discriminado por causa da lingua”.
A pesar do sinalado nesta norma, a realidade é que a lingua propia do país continúa sen ter garantida a presenza mínima do seu recoñecemento de oficialidade hai tres décadas, situándose a súa posición pública e institucional lonxe do mandado estatutario. Así, está ausente de boa parte da documentación e sinalizacións públicas, o dereito a recibir atención neste idioma carece de garantías reais e o sistema educativo non só non garante as competencias lingüísticas suficientes en galego, senón que incide no abandono do galego por parte de moitas nenas e moitos nenos.

Para rematar con este incumprimento estatutario é necesario que o Goberno galego adopte medidas para romper con esta situación tan inxusta e avanzar na normalización. As galegas e os galegos teñen que ter garantido o dereito a poderen vivir con normalidade na súa lingua na súa terra, sen discriminacións de ningún tipo, como prevé o Estatuto de autonomía no art. 5.

A liberdade das persoas que integran a sociedade galega só poderá ser efectiva cando o Poder Público dispoña os medios no sistema educativo para que todos e todas coñezan axeitadamente o galego e a Administración estea en condicións de dispensar os seus servizos na nosa lingua.

A Administración debe cumprir ademais o deber de fomento do uso do galego na vida pública para que mediante a súa visualización a lingua propia acceda a ámbitos institucionais e privados dos que tradicionalmente estivo excluída, transmitindo a mensaxe á sociedade de que a nosa lingua é válida para calquera situación da vida diaria. Cúmprese así co deber constitucional previsto no art. 9.2. da Constitución española de crear as condicións para facer efectiva a igualdade das persoas, promovendo a lingua que está en condicións de desvantaxe social –como amosa a evolución dos Mapas sociolingüísticos elaborados pola Real Academia Galega–, fundamento das leis protectoras e fomentadoras do galego.

Estas medidas teñen que ir no camiño dos consensos acadados nestes anos, como a aprobación en 1996 da Declaración universal de dereitos lingüísticos, a ratificación en 2001 da Carta europea das linguas rexionais ou minoritarias, monitorizada polo Consello de Europa, e a aprobación en 2004 do Plan xeral de normalización da lingua galega.

TÍTULO ÚNICO
Artigo 1.- O Goberno galego, en cumprimento da obriga estabelecida no artigo 5 do Estatuto de Autonomía, fará plenamente efectivos os dereitos das galegas e dos galegos a utilizaren o idioma propio do país.

Artigo 2.- O Goberno galego garantirá que toda a sinaléctica, información e documentación administrativa que reciban os cidadáns e as cidadás en todos os ámbitos administrativos da Xunta, ou en calquera ámbito participado por ela, incluídas todas aquelas entidades xurídicas que prestan servizos dependentes daquela, estean en galego.

Artigo 3.- O Goberno galego garantirá que todos os seus servizos, e os de calquera entidade participada por el, incluídas todas aquelas que os prestan dependendo da Xunta, serán prestados en galego a todos os cidadáns e cidadás. O persoal das entidades dependentes da Xunta ha tomar a iniciativa dirixíndose e manténdose en galego cara ao público, coa excepción daquelas ou daqueles que soliciten seren atendidos en castelán. Así mesmo, todos os cargos públicos e os dos organismos e entes autonómicos, sociedades públicas e institucións dela dependentes farán uso público, tanto oral como escrito, de xeito sistemático, da lingua galega no desempeño da súa responsabilidade.

Artigo 4.- O Goberno galego garantirá que o dereito a usar e recibir información, documentación etc na lingua propia do país non supoña ningún tipo de discriminación, demora na prestación do servizo ou deturpación lingüística por parte da Administración galega ou os seus representantes.

Artigo 5.- O Goberno galego adoptará as medidas necesarias para garantir o dereito a recibir o ensino en galego por parte de todo o alumnado ao menos nun 50% do horario escolar en cada curso en todas as etapas educativas, de acordo co sinalado no Plan xeral de normalización da lingua galega.

Disposición Transitoria.- O Goberno galego deberá adoptar cantas medidas sexan precisas para lle dar cumprimento ao disposto nos artigos 2 e 3 nun prazo de seis meses desde a entrada en vigor desta lei.

Disposición Final.- A presente lei entrará en vigor ao día seguinte da súa publicación no Diario Oficial de Galicia.


Máis info en : http://www.queremosgalego.org/

"El Mundo" tenta manipular

Por un ensino sen ataduras. Súmate!!

campañaeducacion